Matariki

Matariki
Matariki
E ara e

Te Mātahi o te tau
Te kohinga whetū
I te uma o Ranginui

E pīataata mai ana
Whakaataata i te rangi
E tohu ana i te tau hou Māori e

Ko Tupuānuku
Ko Tupuārangi
Ko Waitī, Waitā
Waipuna ā rangi
Ururangi e

Ko Tupuānuku
Ko Tupuārangi
Ko Waitī, Waitā
Waipuna-ā-rangi
Ururangi e

Ko Pōhutukawa e
Ko Hiwa-i-te-rangi e 
Matariki e ara e

Te Mātahi o te tau
Te kohinga whetū
I te uma o Ranginui

E pīataata mai ana
Whakaataata i te rangi
E tohu ana i te tau hou Māori e

Matariki
Matariki
E ara e

————————————————————————————————————————————————————

Whakataka te Hau

Whakataka te hau ki te uru
Whakataka te hau ki te tonga
Kia mākinakina ki uta
Kia mātaratara ki tai
E hī ake ana te atākura
He tio, he huka, he hau hū
Tīhei mauri ora!

————————————————————————————————————————————————————

Ka Pīoioi

Ka pīoioi e tohu aroha haukāinga
E hoki mai rā
Kia kite atu i tō iwi e.
E rotarota ana
E katakata ana mai rā.

Pūkana whētero mai
I te ihi ā ō mātua.

Kia kite atu ano
I tō ataahua ai kanapa
Pupuhi ai e te hau
Kapohia āku roimata.

Ka pīoioi he tohu aroha haukāinga

————————————————————————————————————————————————————

Purea Nei
Purea nei e te hau
Horoia e te ua
Whitiwhitia e te rā
Mahea ake ngā pōraruraru
Makere ana ngā here.

E rere wairua, e rere
Ki ngā ao o te rangi
Whitiwhitia e te rā
Mahea ake ngā pōraruraru
Makere ana ngā here,
Makere ana ngā here.

————————————————————————————————————————————————————

Ko te Pū

Ko te pū
Te more
Te weu
Te aka
Te rea
Ko te wao nui
Te kune
Te whē
Te kore
Te pō
Ki ngā tangata Māori
Nā Rangi rāua ko Papa
Ko tēnei te tīmatanga o te ao
Ko tēnei te tīmatanga o te ao

Tōku Reo, Tōku Ohooho

Nei rā te kaupapa
Ko te reo Māori e
He taonga tuku iho
Nō ngā tīpuna
He pare kawakawa
He mea hirahira e
Tōku reo, tōku ohooho
Māpihi maurea
Whakakai mārihi

Kōrerotia te reo
I ngā wā katoa
Kia kore e rite ki te moa
Mana tangata
Mana motuhake
Tōku reo tōku ohooho
Māpihi maurea
Whakakai mārihi